ზუგდიდის რაიონულმა სასამართლომ არასრულწლოვანის გაუპატიურების ბრალდებით დაკავებულს აღკვეთის ღონისძიების სახით პატიმრობა შეუფარდა. პროკურორის განცხადებით, საქმეში არსებობს უტყუარი მტკიცებულებები რაც ადასტურებს დაკავებულის დანაშაულს. სხდომა დახურული იყო.

ზუგდიდში, 50 წლის მამაკაცის მიერ 13 წლის მოზარდის სავარაუდო გაუპატიურების შესახებ ინფორმაცია მას შემდეგ გახმაურდა, რაც დედამ მოზარდი გამოკვლევებზე კლინიკაში მიიყვანა და გოგონა 3 თვის ორსული აღმოჩნდა. ამის შემდეგ კლინიკამ სამართალდამცველებს მიმართა. პოლიციამ, გოგონას ჩვენების საფუძველზე, ბრალდებული 50 წლის მამაკაცი დააკავა, რომელიც მოზარდის მეზობელია.