ქალაქ ჯვარში წყალმომარაგების სადგურის მოწყობა დასრულების ეტაპზეა. პროექტს გაერთიანებული წყალმომარაგების კომპანია ახორციელებს.

„პროექტის ფარგლებში 7 ჭაბურღილი და 2 ავზი მოეწყო. ამდროისათვის სასმელი წყლის ავზების გაწმენდა-ამორეცხვის სამუშაოები მიმდინარეობს.

წალენჯიხის მუნიციპალიტეტის მერია მუშაობს იმის გარანტიებზე, რომ ქალაქ ჯვარის მოსახლეობამ აგვისტოში სატესტო რეჟიმში ხარისხიანი სასმელი წყალი მიიღოს.
აღნიშნულიდან გამომდინარე,წალენჯიხის მუნიციპალიტეტის მერი გიორგი ხარჩილავა და მერის წარმომადგნელი ქალაქ ჯვარში პაატა წურწუმია ადგილზე იმყოფებოდნენ და შესრულებულ სამუშაოებს გაეცნენ“ – ნათქვამია წალენჯიხის მერიის მიერ გავრცელებულ განცხადებაში.