ზუგდიდში გაერთიანებული ოპოზიციის ლიდერები და მხარდამჭერები გამარჯვებას წინასწარ ზეიმობენ. მათი განცხადებით, ზუგდიდში ოპოზიციამ ხელისუფლება დაამარცხა და მეორე ტურზე საბოლოო გამარჯვებას მოიპოვებენ. ისინი ამ წუთებშიც ენმ-ს ზუგდიდის ოფისთან არიან შეკრებილები.

ცნობისათვის, ზუგდიდის N67 საოლქო კომისიაში შემოსული 107 უბნის მონაცემებიდან 65 უბნის მონაცემები უკვე დათვლილია, სადაც გაერთიანებული ოპოზიციის პრეზიდენტობის კანდიდატი, გრიგოლ ვაშაძე ლიდერობს.