წალენჯიხაში სტუდენტური დღეები 2023 ოფიციალურად  გაიხსნა. ახალგაზრდებს დღევანდელი დღე წალენჯიხის მუნიციპალიტეტის მერმა გიორგი ხარილავამ და მერის მოადგილე თამარ ბელქანიამ მიულოცეს და წარმატებები უსურვეს. ამის შესახებ ინფორმაციას წალენჯიხის მერია ავრცელებს.

„პროექტის ფარგლებში სტუდენტები  4 გუნდად დაიყო.  ახალგაზრდები ერთი კვირის მანძილზე ერთმანეთს სხვადასხვა სპორტულ, კულტურულ და შემეცნებით  ინტელექტუალურ აქტივობებში შეეჯიბრებიან.

პროექტის მიზანია, სტუდენტებში ჯანსაღი ცხოვრების წესის დამკვიდრება, მეტი სოციალიზაცია, სპორტისა და კულტურის პოპულარიზაცია.

შეჯიბრებები ჩატარდება-ფრენბურთში,ფეხბურთში, ჭადრაკში, კალათბურთში; გაიმართა. ფოტოკონკურსები, მხატვრული კითხვა, ფილმების ჩვენება და განხილვა.
ასევე საჯარო ლექციები. მოეწყობა ლაშქრობები, ექსკურსიები,  ქალაქ ჯვარიდან და ფახულანიდან უზრუნველყოფილი იქნება ტრანსპორტირება.
სტუდენტური დღეების ფინალური აკორდი კი,  ანაკლიაში შედგება.“ –  ნათქვამია გავრცელებულ ინფორმაციაში.