ანაკლიამ სამეჯლისო-სპორტული და თანამედროვე ცეკვების I  საერთაშორისო ფესტივალს უმასპინძლა.

„ზუგდიდის მუნიციპალიტეტში დაფუძნდა სამეჯლისო-სპორტული და თანამედროვე ცეკვების საერთაშორისო ფესტივალი, რომელიც პირველად ტარდება წელს ანაკლიაში. მადლობა მინდა გადავუხადო ყველა მონაწილეს, განსაკუთრებით უცხოელ წყვილებს, რომლებიც   საკმაოდ საინტერესო ნომრებით  წარდგნენ.    შემოდგომის ზუგდიდი ყოველწლიურად უმასპინძლებს ამ ფესტივალს და დარწმუნებული ვარ რაოდენობა, ქორეოგრაფიული არეალი მონაწილეების გაიზრდება და უფრო შინაარსიანი გახდება ჩვენი ფესტივალი“-აღნიშნა ზუგდიდის მერმა.

ფესტივალში მონაწილეობას როგორც საქართველოს, ასევე  სომხეთისა და საბერძნეთის წარმომადგენლები იღებდნენ.

ღონისძიება  წელს პირველად,   სამეჯლისო-სპორტული ცეკვების სამეგრელო- ზემო სვანეთის სამხარეო  ასოციაციის პრეზიდენტის გოჩა კაპანაძის ინიციატივით დაფუძნდა.

ფესტივალი ტრადიციულ ხასიათს მიიღებს და ყოველწლიურად გაიმართება.

სამეჯლისო-სპორტული და თანამედროვე ცეკვების საერთაშორისო ფესტივალი ზუგდიდის მერიისა და მოსწავლე- ახალგაზრდობის სასახლის ორგანიზებით ტარდება.

ღონისძიებას ზუგდიდის მერი მამუკა წოწერია, პირველ მოადგილესთან კონსტანტინე კაკავასთან,  საკრებულოს ფრაქცია „ქართული ოცნება-დემოკრატიული საქართველოს“ წევრებთან და საზოგადოების სხვადასხვა სფეროს წარმომადგენლებთან  ერთად ესწრებოდა.