პირველკლასელთა კვებითი უზრუნველყოფის პროგრამის ფარგლებში ბარათების გაცემა გრძელდება. ამის შესახებ ინფორმაციას წალენჯიხის მერია ავრცელებს.

,,აღსანიშნავია, რომ ბარათების გაცემა 28 სექტემბერს დაიწყო და დღეს გაიცემა კვების ბარათი მათთვის ვინაც ვერ შეძლო ბარათის აღება.

უპრეცედენტო პროექტი წალენჯიხის მუნიციპალიტეტის მერის,გიორგი ხარჩილავას ინიციატივით ამოქმედდა.
აღნიშნული პროექტი სასწავლო წლის დაწყებიდან ისევ გაგრძელდა და დღეიდან პროგრამაში ჩართულ ყველა პირველკლასელს ბარათები დაურიგდებათ.

კვების დღიური თანხა საშუალოდ 4 ლარს შეადგენს.ბარათის გამოყენება კი ნებისმიერ სასურსათო მაღაზიასა თუ კვების ობიექტში იქნება შესაძლებელი.

წელს საჯარო სკოლებში 289 პირველკლასელი დარეგსტრირდა.” ნათქვამია წალენჯიხის მერიის მიერ გავრცელებულ ინფორმაციაში.