ბათუმის მერიისა და სპორტული ცენტრის ორგანიზებით გაიმართა ამპუტანტ ფეხბურთელთა ბათუმის ღია ფესტივალი. ტურნირში ბათუმის, გორის, ზესტაფონისა და ზუგდიდის გუნდები მონაწილეობდნენ.

ფესტივალის გამარჯვებული „ბათუმი“ გახდა, რომელმაც ფინალში ზუგდიდის გუნდი 1:0 დაამარცხა. მესამე ადგილზე „ზესტაფონი“ გავიდა.

გამარჯვებულებს და პრიზიორებს ორგანიზატორთა მხრიდან მედლებისა და თასების გარდა, სპორტული მაღაზიის ფასიანი ვაუჩერებიც გადაეცათ.