საქართველოს პრეზიდენტი სალომე ზურაბიშვილი ბიძინა ივანიშვილის მიერ სოფელ ხიბულაში რეაბილიტირებულ ზვიად გამსახურდიას მემორიალურ სახლში იმყოფებოდა. პრეზიდენტი ძველ ხიბულაში დღეს დილას ჩავიდა. ის ხობში სხვა შეხვედრებსაც გეგმავს. პრეზიდენტის ადმინისტრაციას ხიბულაში ვიზიტის შესახებ მედია არ დაუუწყებია, მისი ადმინისტრაცია ჯერ არ ავრცელებს ხიბულაში ყოფნის შესახებ ინფორმაციას.

მართალი ლაზარეს სახელობის ტაძარი ფონდ „ქართუს“ დაფინანსებით აშენდა. ფონდ ქართუს ხიბულაში  განხორციელდა საქართველოს პირველი პრეზიდენტის, ზვიად გამსახურდიას მემორიალური სახლის რეაბილიტაცია, აშენდა მართალი ლაზარეს სახელობის სამონასტრო კომპლექსი და ასევე აშენდა თანამედროვე სტანდარტების საბავშვო ბაღი. მემორიალური სახლის რეაბილიტაციის, სამონასტრო კომპლექსის და საბავშვო ბაღის მშენებლობის შესახებ ბიძინა ივანიშვილმა 2019 წელს, ძველ ხიბულაში სტუმრობის დროს განაცხადა. 

სალომე ზურაბიშვილი ზუგდიდში გუშინ ჩამოვიდა, მან ეკა ბესელიას მართლმსაჯულების სახლის გახსნის ღონისძიებაში მიიღო მონაწილეობა.