სამეგრელო-ზემო სვანეთის სახელმწიფო რწმუნებულის ადმინისტრაცია ხაიშში გზის გამოშლასთან დაკავშირებით განცხადებას ავრცელებს:

,,Ზუგდიდი-ჯვარი-მესტია-ლასდილის საავტომობილო გზის 73-ე კილომეტრზე, ხაიშის მონაკვეთთან კლდოვანი მასა ისვე ჩამოიშალა, რის გამოც ხაიშიდან მესტიის მიმართულებით მოძრაობა შეწყვეტილია.

იმავე მონაკვეთზე კლდე წუხელაც ჩამოიშალა, გაწმენდითი სამუშაოები დილას განხორციელდა, თუმცა მალევე ქვათაცვენა ისვე განმეორდა.

საავტომობილო გზების დეპარტამენტის მიერ, შესაბამისი პროტოკოლით, ხორციელდება გაწმენდითი სამუშაოები, გზის გახსნის შემსახებ დამატებით გეცნობებათ.

მოქალაქეებს მოვუწოდებთ თავი შეიკავონ აღნიშნული მიმართულებით გადაადგილებისგან, სანამ საავტომობილო გზების დეპარტამენტი გავრცელებს შესაბამის ინფორმაციას” – ნათქვამია გავრცელებულ განცხადებაში.