რუსეთის ფედერაციის კულტურის მინისტრმა ოლგა ლიუბიმოვამ სოხუმში სამხატვრო გალერეის შენობაში გაჩენილ ხანძარს ნამდვილი ტრაგედია უწოდა. ლიუბიმოვა აცხადებს, რომ რუსეთის ფედერაციის კულტურის სამინისტრო ფიქრობს იმაზე, თუ როგორ შეუძლია დაეხმაროს არსებულ ვითარებაში გალერეას.

„ნამდვილი ტრაგედია სოხუმში. აფხაზეთიდან ჩვენს კოლეგებთან ერთად ვფიქრობთ, როგორ დავეხმაროთ…“ – წერს ლიუბიმოვა ტელეგრამის საკუთარ არხზე.

ოკუპირებული აფხაზეთის მხატვართა კავშირის ცენტრალური საგამოფენო დარბაზის შენობაში 21 იანვარს ღამით გაჩენილი ხანძრის შედეგად  გალერეის თითქმის მთელი ფონდი დაიწვა. შენობაში შენახული ოთხი ათასზე მეტი ნამუშევრიდან 150-მდე ნახატია გადარჩენილი. ასევე დაიწვა ალექსანდრე ჩაჩბა-შერვაშიძის ყველა ნამუშევარი. ხანძრის გამომწვევ მიზეზებზე გამოძიებას ოკუპირებული აფხაზეთის ე.წ.  გენერალური პროკურატურა აწარმოებს.