სკოლებში სასწავლო პროცესი 15 მარტს განახლდება. საქართველოს საჯარო სკოლებში საგაზაფხულო არდადეგები დაიწყო.

საჯარო სკოლებში სწავლის დაწყებისა და დასრულების თარიღები მინისტრის ბრძანებით არის განსაზღვრული. რაც შეეხება სასწავლო წელს, ის 15 ივნისის ჩათვლით გრძელდება.

,,ამავე ბრძანების შესაბამისად, საჯარო სკოლებში პირველი კლასის მოსწავლეებისათვის სასწავლო წელი დასრულდება 27 მაისს, ხოლო დამამთავრებელი კლასის მოსწავლეებისთვის 20 მაისს. „თუ აღნიშნული თარიღები ემთხვევა უქმე ან დასვენების დღეს, სასწავლო წელი პირველი კლასის მოსწავლეებისათვის დასრულდეს 27 მაისამდე ბოლო სამუშაო დღეს, ხოლო დამამთავრებელი კლასის მოსწავლეებისთვის 20 მაისამდე ბოლო სამუშაო დღეს“, – აცხადებენ განათლების სამინისტროში.