• სკოლებში სწავლა 15 სექტემბერს, ჩვეულ რეჟიმში დაიწყება. განცხადება ამის შესახებ განათლების მინისტრმა საკოორდინაციო საბჭოს სხდომის შემდეგ გააკეთა. მისი თქმით, სწავლა ჩვეულებრივ რეჟიმში განახლდება უნივერსიტეტებშიც.

“დღევანდელი მონაცემებიდან გამომდინარე ჩვენ განვაახლებთ საწავლო პროცესს ჩვეულ რეჟიმში, მაგრამ მზად ვართ ყველანაირი სცენარისთვის და რასაკვირველია, საგანმანათლებლო სისტემა მოერგება იმ ეპიდსიტუაციას, რომელიც იმ დროს იქნება აქტუალური”, — განაცხადა მიხეილ ჩხენკელმა.

სკოლებში სასწავლო პროცესი გაზაფხულზე შეწყდა. ამ დრომდე უცნობი იყო, რას გეგმავდა სამინისტრო. ვრცელდებოდა ინფორმაცია სასწავლო პროცესისი სხვადასხვა ფორმით აღდგენაზე.