აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია, პირველ მოადგილე გურამ მისაბიშვილთან და ადგილობრივი ხელისუფლების წარმომადგენლებთან ერთად, ამჯერად, ზუგდიდის მუნიციპალიტეტის დევნილთა განსახლების ადგილებში შექმნილ ბინათმესაკუთრეთა ამხანაგობების წარმომადგენლებს შეხვდა.

შეხვედრის მონაწილეებმა ისაუბრეს ზუგდიდში მდებარე დევნილთა განსახლების ადგილებში არსებულ მდგომარეობაზე, იძულებით გადაადგილებულ პირთა საჭიროებებზე და ერთად იმსჯელეს დევნილთა წინაშე არსებული პრობლემური საკითხების მოგვარების გზებზე.

ბინათმესაკუთრეთა ამხანაგობების წარმომადგენლებისგან მიღებული ინფორმაციების გათვალისწინებით, აფხაზეთის ავტონომიური რესპუბლიკის იძულებით გადაადგილებულ პირთა სამინისტრო ინფრასტრუქტურულ და სოციალურ პროექტებს განახორციელებს.

„მოქალაქეებთან სისტემატური კომუნიკაციის შედეგად, არაერთი ინფრასტრუქტურული და სოციალური პროექტი განვახორციელეთ და ვაგრძელებთ მთელი ქვეყნის მასშტაბით, დევნილთა განსახლების ადგილებში შექმნილ ბინათმესაკუთრეთა ამხანაგობების წარმომადგენლებთან შეხვედრებს, აფხაზეთიდან იძულებით გადაადგილებულ პირთა საჭიროებების შესაბამისი ღონისძიებების დაგეგმვის მიზნით.“ – დავით ფაცაცია.

ინფორმაციას აფხაზეთის ავტონომიური რესპუბლიკის მთავრობა ავრცელებს.