პარტიები „აფხაზეთის სახალხო ფრონტი“ და „ამცახარა“ მხარს უჭერენ ვლადიმერ პუტინის კანდიდატურას რუსეთის საპრეზიდენტო არჩევნებში.

ოკუპირებულ აფხაზეთში მოქმედმა ე.წ. პარტიამ „აფხაზეთის სახალხო ფრონტის“ პოლიტსაბჭოს გაფართოებული სხდომა გაიმართა, რომელიც რუსეთის საპრეზიდენტო არჩევნებს მიეძღვნა.

„სახალხო ფრონტის“ თავმჯდომარემ ლაშა საკანიამ რუსეთის ფედერაციის პრეზიდენტის არჩევნებში მონაწილეობის მნიშვნელობაზე განაცხადა და რუსეთის მოქალაქეობის მქონე ადამიანებს მიმართა, გამოვიდნენ საარჩევნო უბნებზე და გამოიჩინონ სამოქალაქო პოზიცია.

„ჩვენ ყველას გვახსოვს დრო, როდესაც ჩვენი ქვეყანა იმყოფებოდა ეკონომიკური ბლოკადის ქვეშ, პოლიტიკურ იზოლაციაში, განვითარების შესაძლებლობის გარეშე. ეს ყველაფერი შეიცვალა რუსეთის ხელისუფლებაში ვლადიმერ პუტინის მოსვლის შემდეგ. სწორედ მისი სახელით ვამყარებთ იმედებს რუსები და ჩვენ, „აფხაზეთის“ მაცხოვრებლები ჩვენს ქვეყნებს შორის აქტიური ურთიერთქმედების, ჩრდილოეთ სამხედრო ოლქში გამარჯვებისა და რუსეთის ფედერაციის პოზიციის გაძლიერების შესახებ მსოფლიო ასპარეზზე. დღეს ჩვენ ვხედავთ, რამდენად აქტიურად ვითარდება ურთიერთობები „აფხაზეთსა“ და რუსეთს შორის. მოვუწოდებ ჩვენს „მოქალაქეებს“ მივიდნენ არჩევნებზე და ხმა მისცენ სტაბილურობას – ვლადიმირ პუტინს“, – განაცხადა საკანიამ.

პუტის მხარდაჭერას უცხადებს „ამცახარაც“: „მოვუწოდებთ ყველას, 17 მარტს მივიდნენ არჩევნებზე. ვუსურვებთ რუსეთს სწრაფ გამარჯვებას ჩრდილოეთ სამხედრო ოლქში და გამარჯვება ვლადიმირ ვლადიმიროვიჩს მომავალ არჩევნებში“, – განაცხადა ამცახარას თავმჯდომარემ ლესიკ ცუგბამ.