როგორ უნდა მოიქცეს საქართველოს მაშინ როდესაც რუსეთის ნოტა ოკუპირებული აფხაზეთის დე-ფაქტო ხელისუფლებას აიძულებს უარი თქვა 27 დეკემბრის ე.წ. საკონსტიტუციო კანონზე, რომელიც ხელს უშლის  ობიექტების მესამე პირებისთვის გადაცემას. საკითხის შესაფასებლად STV კონფლიქტოლოგ პაატა ზაქარეიშვილს დაუკავშირდა.

„საქართველოს ხელისუფლებამ უნდა შესთავაზოს აფხაზეთს მყარი ფედერაციული მოწყობა, სადაც აფხაზური საზოგადოების უფლებები იქნება მკაცრად დაცული. ანუ ის რასაც ართმევს დღეს რუსეთი აფხაზეთს, ეს უნდა იყოს დაცული საქართველოს კონსტიტუციით, აუცილებელი არაა ეს აფხაზებს მოეწონოთ, აუცილებელია, რომ საქართველომ ეს პოზიციები გამოხატოს, დააფიქსიროს, რომ მისთვის მნიშვნელოვანია აფხაზეთის ტერიტორიაზე არსებული საკანონმდებლო სივრცე იყოს აფხაზური საზოგადოებისთვის მისაღები. ამიტომ ჩვენ გვჭირდება კონსტიტუციის შეცვლა რათა აფხაზურმა საზოგადოებამ ნახოს, რომ საქართველოში მათი ყოფნა უფრო უსაფრთხო იქნება ვიდრე რუსეთში, ეს უნდა გააკეთოს საქართველომ და რეგულარულად შესთავაზოს – რათა მათ ნახონ განსხვავება რას სთავაზობს საქართველო და რას ართმევს რუსეთი“ – აცხადებს STV-სთან საუბარში პაატა ზაქარეიშვილი.