ზუგდიდის მუნიციპალიტეტის ვიცე-მერობის კანდიდატი, გეგა შენგელია გუშინ გუბერნიის შენობაში იმყოფებოდა. მას შემდეგ გახდა ცნობილი იმის შესახებ, რომ TBC ბანკის ზუგდიდის ფილიალის მმართველი სწორედ აღნისნულ შეთავაზებაზე იყო დაბარებული.

გეგა შენგელია უარყოფს, რომ ის შეხვედრას დაესწრო და აცხადებს, რომ გუბერნიის შენობაში კვირა დღეს მეგობრები მოინახულა.

“ჩემი აქ მოსვლა არ უკავშირდება არც არჩევნებს და არც რამენაირ შეხვედრას. აქ უბრალოდ ბევრი მეგობარი მყავს და ისინი მოვინახულე”-განაცხადა შეხვედრიდან გამოსულმა გეგა შენგელიამ.

STV-სთვის ექსკლუზიურად გახდა ცნობილი, რომ ზუგდიდის მუნიციპალიტეტს დაახლოებით ერთ კვირაში ახალი ვიცე მერი ეყოლება, რომელიც მერის მოვალეობებს მაისის თვითმმართველობის არცევნებამდე შეითავსებს. აღნიშნული ინფორმაცია STV-ს ექსკლუზიურად ინფორმირებულმა წყარომ ადგილობრივი ხელისუფლებიდან აცნობა.

წყაროს ინფორმაციით, ახალი ვიცე-მერის თანამდებობას TBC ბანკის ზუგდიდის ფილიალის მმართველი, ზუგდიდელი გეგა შენგელია დაიკავებს.