აზოვსტალთან ბრძოლაში კიდევ ერთი ქართველი მებრძოლი, ზუგდიდის მკვიდრი თენგიზ ჭანია დაიღუპა. ინფორმაციას ამის შესახებ მისი მეგობარი თეიმურაზ ბასილაია ავრცელებს:

,,კიდევ ერთი გმირი, ჩვენი მეგობარი თენგიზ ჭანია დავკარგეთ. მსოფლიოს მტერთან ბრძოლაში დაიღუპა აზოვსტალთან. ნათელში იყოს შენი სული თენგო (ჭანო)” – წერს ფეისბუქში თეიმურაზ ბასილაია.

თენგიზ ჭანია ზუგდიდის მუნიციპალიტეტის სოფელ განმუხურში ცხოვრობდა, ის აფხაზეთიდან დევნილია.