ზუგდიდის მერის მოვალეობის შემსრულებელმა მაიზერ ნანავამ მერიის თანამშრომლებს პირველი მოადგილე, გეგა შენგელია წარუდგინა.

გეგა შენგელია საჯარო სამსახურში კერძო სექტორიდან მოვიდა. ის წლების განმავლობაში TBC ბანკის ზუგდიდის ფილიალს ხელმძღვანელობდა.

„ჩემთვის დიდი პატივი და უდიდესი პასუხისმგებლობაა აღნიშნულ თანამდებობაზე დანიშვნა. ჩემი მიზანია, სასიკეთო ცვლილებები განვახორციელო ზუგდიდის მუნიციპალიტეტში, რომელიც მოსახლეობის საჭიროებებზე იქნება მორგებული. ჩვენი გუნდის პრიორიტეტი, სწორედ რომ მოსახლეობის საჭიროებებზე ზრუნვა და მათი პრობლემებზე დროული რეაგირებაა. მოვდივარ კერძო სექტორიდან და საჯარო სამსახური ჩემთვის ახალი გამოწვევაა. ამ პროცესებში ჩართვა კი უდიდესი პასუხისმგებლობა. მადლობა ნდობისთვის გუნდს, რომელთანაც ერთად დაუღალავი მუშაობით ბევრის მიღწევას შევძლეთ“,-განაცხადა გიორგი შენგელიამ

გეგა შენგელიამ აღნიშნულ თანამდებობაზე შემოთავაზება გასულ კვირას ადგილობრივი ხელისუფლებისგან მიიღო.