საქართველოს პარლამენტის თავმჯდომარე, შალვა პაპუაშვილი ამერიკის შეერთებული შტატების სახელმწიფო მდივნის თანაშემწე ჯიმ ო’ბრაიენს შეხვდა.

როგორც პაპუაშვილი „ფეისბუქის“ გვერდზე წერს, შეხვედრაზე განიხილეს სხვადასხვა საკითხი, მათ შორის უცხოური გავლენის გამჭვირვალობის შესახებ კანონი.

„გულწრფელი საუბარი მქონდა ევროპისა და ევრაზიის საკითხებში ამერიკის შეერთებული შტატების სახელმწიფო მდივნის თანაშემწე ჯიმ ო’ბრაიენთან. ვისაუბრეთ აშშ-საქართველოს ურთიერთობების დინამიკაზე, ბოლო წლებში საქართველოსა და რეგიონში მიმდინარე მოვლენებზე. ასევე, განვიხილეთ უცხოური გავლენის გამჭვირვალობის შესახებ კანონი და აღნიშნულთან დაკავშირებით ერთმანეთს პოზიციები გავუზიარეთ“, – წერს შალვა პაპუაშვილი.