დასრულდა სარეაბილიტაციო სამუშაოები ეკი-უშაფათის დამაკავშირებელ გზაზე, სადაც სენაკის მუნიციპალიტეტის მერი, ვახტანგ გადელია, პირველ მოადგილესთან, ბადრი ქუთელიასთან და მერიის სივრცითი მოწყობისა ინფრასტრუქტურის სამსახურის უფროსის მოვალეობის შემსრულებელთან, ეკატერინე კიზირიასთან ერთად იმყოფება.

სენაკის მუნიციპალიტეტის 2024 წლის ინფრასტრუქტურული პროექტების ნუსხას კიდევ ერთი პროექტი შეემატა.

დღეიდან, ორი ადმინისტრაციული ერთეულის – ეკის და უშაფათის მოსახლეობა განახლებული, კეთილმოწყობილი გზით ისარგებლებს.

პროექტი, რომლის ღირებულება 474 722 ლარს შეადგენს, საქართველოს რეგიონული განვითარებისა და ინფრასტრუქტურის სამინისტროს დაფინანსებით განხორციელდა.