“ევროპული საქართველოდან” ზუგდიდის საკრებულოს წევრმა ირაკლი ღურწკაიამ პარტია დატოვა.  ამავე პარტიის წევრის, პარლამენტარ ლელა ქებურიას განცხადებით, მან ეს გადაწყვეტილება ზეწოლის შედეგად მიიღო. თავად ღურწკაია მასზე რაიმე სახის ზეწოლას კატეგორიულად უარყოფს და გადაწყვეტილების მიღებას “ნაციონალური მოძრაობასთან” გაერთიანებას უკავშირებს.

ირაკლი ღურწკაია აცხადებს, რომ ის მხარს ვერ დაუჭერს კოხტა კოდუას და მეგის ქარდავას პარტიას. ამიტომაც მიიღო საბოლოო გადაწყვეტილება, რომ უარი თქვას “ევროპულ საქართველოზე”.