საქართველოს ეროვნული ნაკრები ისტორიაში პირველად ევროპის ჩემპიონატზე მონაწილეობს. 

ამ მნიშვნელოვან მოვლენასთან დაკავშირებით, ზუგდიდის მუნიციპალიტეტის მერიის ორგანიზებით, გულშემატკივრებს ეროვნული ნაკრების თამაშების ყურება დიდ ეკრანზე ზუგდიდის ბოტანიკურ ბაღში ყოველდღე შეეძლებათ.

17:00 საათიანი და 20:00 საათიანი მატჩის ჩვენება ბოტანიკური ბაღის საკონფერენციო დარბაზში დიდ ეკრანზე გაიმართება , ხოლო 23:00 საათიანი ჩვენება ბოტანიკური ბაღის ღია სივრცეში (საკონფერენციო დარბაზის წინ). 

საქართველოს ეროვნული ნაკრები პირველ თამაშს 18 ივნისს, თურქეთის წინააღმდეგ გამართავს. მატჩის ჩვენება 20:00 საათზე დაიწყება. ტაიმებს შორის დაგეგმილია ,,ოდოიას” ახალი სიმღერის პრეზენტაცია. ახალგაზრდები ზუგდიდის საფეხბურთო კლუბ ,,ოდიშის” მაისურებით უქომაგებენ ეროვნულ ნაკრებს. იქნება სახის მოხატვა.

ცნობისთვის, ბოტანიკურ ბაღში შესვლა 19:30-დან უფასოა.