ფოთის მერია საზღვაო სეზონს დღეიდან ოგიციალურად ხსნის. საზღვაო სეზონს ფოთი განახლებული სანაპიროთი ხვდება. სანაპიროზე 12 საათიდან მსურველებს შესაძლებლობა ექნებათ ჩაერთონ  პლაჟის თამაშებში – ფეხბურთში, ფრენბურთსა  და რაგბიში.  

დღის განმავლობაში დაგეგმილია სხვადასხვა სპორტული და გასართობი აქტივობები, საღამოს 20:30 ზე კი მალთაყვის სანაპირო ზოლზე გაიმართება გალა კონცერტი, სადაც მონაწილეობას ჯგუფი ურსა და დუეტი ჯორჯია ბენდთან ერთად მიიღებენ. საღამო გრანდიოზული ფოიერვერკით დასრულდება. 

19:00 საათიდან,  ღონისძიებების დასრულებამდე,  საზოგადოებრივი ტრანსპორტი მალთაყვის სანაპიროს მიმართულებით უფასოდ იმოძრავებს.  ფოთში მალთაყვის სანაპირო ზოლზე მოეწყო ახალი საჩრდილობლები, საშხაპეები, სანაპირომდე მისასვლელი ბილიკები, დამონტაჟდა გარე განათების ბოძები. რეაბილიტირდა სველი წერტილები.