11 ხმით, საპროკურორო საბჭომ, დღევანდელ სხდომაზე გენერალური პროკურორობის კანდიდატად გიორგი გაბიტაშვილი აირჩია. საბჭომ საბოლოო არჩევანი ვიქტორ ახალბედაშვილს, დარეჯან ბუცხრიკიძესა და გიორგი გაბიტაშვილს შორის გააკეთა.

კენჭი სამივე კანდიდატს ცალ-ცალკე და ფარულად ეყარა. საპროკურორო საბჭოს 12 მოქმედი წევრი ჰყავს. სხდომას დაესწრო საბჭოს ყველა წევრი „გირჩის“ ლიდერის, იაგო ხვიჩიას გარდა.

საპროკურორო საბჭოს მიერ გენერალური პროკურორობის კანდიდატის შერჩევის შემდეგ, პროცესი პარლამენტში გადაინაცვლებს.