ზუგდიდში, ბუკიას ქუჩაზე გაჩენილი ხანძრის შედეგად დაღუპული მცირეწლოვანი ძმების პანაშვიდი ოზურგეთის სოფელ ზედა ძიმითში გაიმართება, ბავშები სწორედ ძიმითში ნათესავის სახლში გადაასვენეს. როგორც stv- გიორგი და გაბრიელ გაბუნიების ოჯახის ახლობელმა განუცხადა, ბავშებს ხვალ ქობულეთში დაკრძალავენ. სწორედ ქობულეთიდანაა გარდაცვლილი მცირეწლოვნების დედა.

გიორგი და გაბრიელ გაბუნიები დედასთან და და-ძმასთან ერთად ზუგდიდში ბუკიას ქუჩაზე მდებარე მრავალბინიან საცხოვრებელ კორპუსში ქირით იმყოფებოდნენ.

შეგახსენებთ, რომ 13 აგვისტოს ზუგდიდში ხანძრის შედეგად ორი მცირეწლოვანი დაიღუპა. ცეცხლი ბუკიას ქუჩაზე, საცხოვრებელი კორპუსის მე-6 სართულზე გაჩნდა. ხანძარს 6 წლამდე ძმები ემსხვერპლნენ. ბინაში მყოფი კიდევ ორი მცირეწლოვანის გადარჩენა მაშველებმა შეძლეს.