27 სექტემბერი – ბოლო ათწლეულების განმავლობაში  ერთ-ერთი ყველაზე მძიმე და მტკივნეული თარიღია. ბრძოლაში დაღუპულმა გმირებმა თავი შესწირეს საქართველოს ტერიტორიული მთლიანობის დაცვას და უდიდესი გმირობის მაგალითი აჩვენეს.

სოხუმის დაცემის 31 წლისთავთან დაკავშირებით ფოთის, ხობის და სენაკის  მაჟორიტარმა დეპუტატმა გიორგი ხახუბიამ, ფოთის მერმა ბექა ვაჭარაძემ საზოგადოების წევრებთან ერთად, დაღუპულთა მემორიალი გვირგვინით შეამკეს.

 აფხაზეთის ომში დაღუპულთა ხსოვნის პატივის მიგების მიზნით, ფოთის მუნიციპალიტეტის ადმინისტრაციულ შენობაზე სახელმწიფო დროშა დაეშვა.

აფხაზეთში სამხედრო დაპირისპირება 1992 წლის 14 აგვისტოს დაიწყო და 1993 წლის 27 სექტემბერს სოხუმის დაცემით დასრულდა.