დაბა მესტიაში აეროპორტის მიმდებარედ გზის გარე განათების მოწყობის სამუშაოები დასრულდა. ინფორმაციას მესტიის მუნიციპალიტეტის მერია ავრცელებს.

გარე განათების 1,6 კმ-იანი პროექტის განხორციელების სახელშეკრულებო ღირებულებაა 537 000 (ხუთას ოცდაჩვიდმეტი ათასი) ლარი.

მშენებლობისთვის გამოყენებული მოწყობილობა და მასალები სრულად შეესაბამება სტანდარტების მოთხოვნებს, ქსელის ტექნიკურ ძაბვას და გარემო პირობებს.

სამშენებლო სამუშაოებს ელექტრონულ ტენდერში გამარჯვებული კომპანია შპს „განათება“ ასრულებდა.