შოთა მესხიას ზუგდიდის სახელმწიფო სასწავლო უნივერსიტეტში, სტუდენტებთან შეხვედრა გაიმართა.

სტუდენტებს, საქართველოს განათლების, მეცნიერების, კულტურისა და სპორტის მინისტრის მოადგილემ ნათია ზედგინიძე-ჯიშკარიანმა, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და საოციალური დაცვის სამინისტროს, შრომისა და დასაქმების დეპარტამენტის უფროსმა ელზა ჯგერენაიამ და ზუგდიდის მუნიციპალიტეტის მერის პირველმა მოადგილემ გიორგი შენგელიამ არსებული პროგრამები და სამომავლო გეგმები გააცნეს.

ასევე, სტუდენტებსა და პროფესორ-მასწავლებლებს, სამინისტროს წარმომადგენლებმა, ავტორიზაციის წარმატებით გავლა მიულოცეს.

როგორც, შეხვედრაზე გიორგი შენგელიამ აღნიშნა, მუნიციპალიტეტის მერიას აქვს მზაობა ითანამშრომლოს უნივერსიტეტთან.

„გილოცავთ მიღწეულ წარმატებას, რომელიც თითოეული ზუგდიდელისთვის და რეგიონისთვის მნიშვნელოვანია. ეს თქვენი დაუღალავი შრომის შედეგია. უნივერსიტეტს აქვს ძალიან კარგი მატერიალურ -ტექნიკური ბაზა, ასევე ჰყავს პროფესიონალი კადრები, რომლებიც ქმნიან უნივერსიტეტის წარმატებას. თქვენი თითოეული ინიციატივის მოსმენა და გაზიარება ჩვენთვის მნიშვნელოვანია. მოგიწოდებთ აქტიურად ჩაერთოთ მუნიციპალიტეტში მიმდინარე პროცესებში. ჩვენი კარი მუდამ ღიაა თქვენთის.“

შეხვედრა კითხვა-პასუხის რეჟიმში წარიმართა.

შოთა მესხიას ზუგდიდის სახელმწიფო სასწავლო უნივერსიტეტს უმაღლესი საგანმანათლებლო დაწესებულებების ავტორიზაციის საბჭოს გადაწყვეტილებით ავტორიზაცია მიენიჭა.

ავტორიზაციის პროცესი ქართველი და უცხოელი ექსპერტების მონაწილეობით განხორციელდა. ავტორიზაციის ვადა 6 წელს შეადგენს.