თხილის კულტურის მავნებლებთან ბრძოლის კამპანიის ფარგლებში, სამეგრელო-ზემო სვანეთის მხარის გუბერნატორი ალექსანდრე მოწერელია, წალენჯიხის მუნიციპალიტეტის მერთან ბესიკ ფარცვანიასთან და თხილის ასოციაციის წარმომადგენლებთან ერთად , წალენჯიხის მუნიციპალიტეტის საზღვრისპირა ტერიტორიაზე მუჟავას, ჭალესა და ფახულანის ადმინისტრაციულ ერთეულებში იმყოფებოდა.

ადგილობრივებმა ალექსანდრე მოწერელიას თხილის ცუდი მოსავლით გამოწვეული მატერიალური პრობლემები გააცნეს.

შეხვედრაზე ასოციაციის წევრებმა მოსახლეობას ფაროსანასა და თხილის სხვადასხვა სახეობის დაავადებასთან ბრძოლის ღინისძიებების შესახებ ინფორმაცია “კარდაკარის” პრინციპით გააცნეს. მოსახლეობასთან შეხვედრას უხუცესი ქალბატონებიც ესწრებოდნენ.

ალექსანდრე მოწერელიამ ადგილობრივებს მავნებლისა და თხილის დაავადებების წინააღმდეგ დაგეგმილ ღონისძიებებში აქტიური ჩართვისკენ მოუწოდა.