ალექსანდრე მუხაძე, რომელსაც დღეს მალხაზ არქანიას წამების ფაქტზე 9 წელი მიესაჯა, მიხეილ სააკაშვილს ღირსების ორდენით ჰყავს დაჯილდოებული.

პატიმრის წამებაში მსჯავდებულ ალექსანდრე მუხაძეს მიხეილ სააკაშვილმა სამსახურებრივი მოვალეობის კეთილსინდისიერად შესრულებისათვის ორი სახელმწიფო ჯილდო გადასცა.

ირკვევა, რომ მეგის ქარდავასთან ერთად, ღირსების სასტიკ დანაშაულებში მხილებული და ქარდავას უცვლელი თანამზრახველი ალექსანდრე მუხაძე მაშინდელმა პრეზიდენტმა, მიხეილ სააკაშვილმა 2010 წელს სამსახურებივი მოვალეობის შესრულებისას გამოჩენილი გმირობისა და მამაცობისთვის, ღირსების მედლით დააჯილდოვა.

ალექსანდრე მუხაძე, მეტსახელად “ქილერა” იმ დროს სამხედრო ჰოსპიტალის დირექტორის პოსტს იკავებდა.

ეს “ქილერას” ერთადერთი ჯილდო არ არის. ვახტანგ გორგასლის მესამე ხარისხის ორდენი, პატიმრების წამებაში ბრალდებულმა მუხაძემ, სამსახურებრივი მოვალეობის კეთილსინდისიერად შესრულებისთვის პრეზიდენტისგან მიიღო. აღნიშნული ორდენი 2012 წლის მაისით თარიღდება.

ამავე თემაზე: