ქართველი მებრძოლი ილია თოფურია MMA-ის ყველაზე პრესტიჟული ორგანიზაციის, UFC-ის, მსუბუქი წონითი დივიზიონის ჩემპიონია. სატიტულო ბრძოლაში ოქტაგონზე მან ბრაზილიელი ჩარლზ ოლივეირა პირველ რაუნდში ნოკაუტით დაამარცხა.

ილია თოფურია ქვემსუბუქი წონის ყოფილი ჩემპიონია. ის პირველი ქართველი მებრძოლია, რომელმაც UFC-ის მსოფლიოს ჩემპიონობა იზეიმა. 2024 წელს ქამრისთვის ბრძოლაში მან ავსტრალიელი ალექსანდრ ვოლკანოვსკი დაამარცხა.