სენაკის მერია ივლისში დაგეგმილი კულტურულ-გასართობი ღონისძიებების ნუსხას აქვეყნებს.

„8 ივლისი. 18:00 – საქართველოს კულტურის სამინისტროს მხარდაჭერით,

რუსთაველის ეროვნული თეატრი, გასტროლის ფარგლებში, აკაკი ხორავას სახელობის პროფესიულ სახელმწიფო დრამატულ თეატრში გამართავს სპექტაკლს – ,,მსხვერპლნი”;

ბილეთების შეძენა შესაძლებელია TKT. GE -ზე და თეატრის სალაროში.

9 ივლისი. 19:00 – აჭარის კულტურის სამინისტროსა და სენაკის მუნიციპალიტეტის მერიის მხარდაჭერით, აკაკი ხორავას სახელობის სახელმწიფო დრამატულ პროფესიულ თეატრში, ბათუმის სახელმწიფო მუსიკალურ ცენტრთან არსებული კვარტეტი ,,ნოტა” სოლო კონცერტს გამართავს;

დასწრება თავისუფალია.

18 ივლისი – პროექტის ,,საქართველოს სახელმწიფო ბალეტი რეგიონებში”, თბილისის ზაქარია ფალიაშვილის სახელობის ოპერისა და ბალეტის პროფესიული სახელმწიფო თეატრის დასი, სენაკის სახელმწიფო პროფესიული დრამატული თეატრის სცენაზე, კლასიკური საბალეტო პროგრამით წარდგება;

ბილეთების შეძენა შესაძლებელია TKT. GE -ზე.

21 ივლისი. 19:00 – საქართველოს კულტურის სამინისტროსა და სენაკის მუნიციპალიტეტის მერიის მხარდაჭერით, პროექტის – ,,ზვიად ბოლქვაძის საავტორო მუსიკის კონცერტები რეგიონებში” ფარგლებში, კომპოზიტორი და ავტორ-შემსრულებელი, ზვიად ბოლქვაძე, მუსიკალური ბენდის თანხლებით, მომღერალ ნეკა სებისკვერაძესთან ერთად, კონცერტს გამართავს;

დასწრება თავისუფალია.

23-24 ივლისი. 16:00 საათი – აკაკი ხორავას სახელობის პროფესიულ სახელმწიფო დრამატულ თეატრის დასი მაყურებლის წინაშე წარდგება პრემიერით – ,,კონკია”;

ბილეთების შეძენა შესაძლებელია TKT. GE -ზე და თეატრის სალაროში.

24 ივლისი. 20:00 საათი –

ქართული საერთაშორისო დიასპორული თეატრის დასი ,,დაბრუნება”, გასტროლის ფარგლებში, სენაკის თეატრში გამართავს სპექტაკლს – ,,მიდი, შეცვალე სამყარო!”

ბილეთების შეძენა შესაძლებელია TKT. GE -ზე და თეატრის სალაროში.

25-27 ივლისი – საქართველოს კულტურის სამინისტროს, სენაკის მუნიციპალიტეტისა და ფოთის მერიების მხარდაჭერით, რეგიონული თეატრების XI საერთაშორისო ფესტივალის სენაკური დღეები იწყება. დასწრება თავისუფალია“ – ნათქვამია მერიის მიერ გავრცელებულ ინფორმაციაში.