აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, სამეგრელო-ზემო სვანეთის მხარეში სახელმწიფო რწმუნებულ დავით ვერავასთან, საქართველოს პარლამენტის წევრებთან და ზუგდიდის მერთან ერთად, ზუგდიდში, ლაღიძის ქუჩაზე მდებარე დევნილთა დასახლებაში იმყოფებოდა, სადაც აფხაზეთიდან იძულებით გადაადგილებულ მოსახლეობას შეხვდა.

ხელისუფლების წარმომადგენლებმა, დევნილების პირველადი საჭიროებების შესახებ ინფორმაცია მიიღეს და შესაძლებლობების ფარგლებში მხარდაჭერას დაჰპირდნენ.

აფხაზეთის ავტონომიური რესპუბლიკის მთავრობის თავმჯდომარემ ასევე ისაუბრა ჯანდაცვის, განათლებისა და სოციალური მიმართულებით არსებულ იმ დამატებით პროგრამებზე, რომლებით სარგებლობაც აფხაზეთიდან დევნილ ნებისმიერ მოქალაქეს შეუძლია.