ჩხოროწყუში „ქართული ოცნების“ მერობის კანდიდატი ჯუმბერ იზორია იქნება.

იზორია IX მოწვევის პარლამენტის წევრი იყო, ამჟამად კი ჩხოროწყუს მუნიციპალიტეტის საკრებულოს წევრია. ჩხოროწყუს მუნიციპალოტეტის მერობის ახალი კანდიდატი ბრიფინგზე, პარტიის თავმჯდომარემ, პრემიერ-მინისტრმა ირაკლი კობახიძემ დაასახელა.

ჯუმბერ იზორია 32 წლის განმავლობაში მუშაობდა შინაგან საქმეთა სამინისტროში წამყვან თანამდებობებზე, 2012 – 2019 წლებში ჩხოროწყუს პოლიციის სამმართველოს უფროსი იყო. 2019-2020 წლებში იყო საქართველოს მე-9 მოწვევის პარლამენტისწევრი პარტიული სიით, საარჩევნო ბლოკი: „ქართული ოცნება — დემოკრატიული საქართველო“.

ჯუმბერი იზორია არის ავღანეთის, სამაჩაბლოს, აფხაზეთისა და 2008 წლის ომის ვეტერანი.

თვითმმართველობის არჩევნები საქართველოში 4 ოქტომბერს გაიმართება.