მხარის გუბერნატორსა და მუნიციპალიტრეტის ხელმძღვანელებს ადგილობრივებმა მავნებლისა და თხილის დაავადებებით გამოწვეული ზარალის შესახებ ინფორმაცია მიაწოდეს და სოფელში არსებულ საჭიროებებზე ისაუბრეს.

შეხვედრისას მოსახლეობას გააცნეს თუ როგორ უნდა გაისხლას თხილის კულტურა და რა სახით შეიძლება ბრძოლა როგორც მავნებლებთან, ასევე სოკოვან დაავადებებთან. ალექსანდრე მოწერელიამ მოსახლეობას მავნებლისა და თხილის დაავადებების წინააღმდეგ დაგეგმილ ღონისძიებებში აქტიური ჩართვისკენ მოუწოდა.

თხილის კულტურის მავნებლებთან ბრძოლის კამპანია ინტენსიურად მიმდინარეობს და პროექტის ფარგლებში, გუბერნატორი მოსახლეობასთან შეხვედრებს რეგიონის ყველა მუნიციპალიტეტში გააგრძელებს.