“პირველი ტურისგან განსხვავებით, ჩვენ ველოდებით ჩვენი მომხრეების მაქსიმალურ აქტიურობას. შესაბამისად, დარწმუნებული ვართ წარმატებაში”,- ამის შესახებ ზუგდიდის მაჟორიტარმა დეპუტატმა მერაბ ქვარაიამ განაცხადა, რომელმაც საკუთარი არჩევანი უკვე გააკეთა მე-15 საარჩევნო უბანზე.

მისი თქმით, ხმა მისცა ქვეყნის წარმატებულ მომავალს, განვითარებას, სტაბილურობას, სიმშვიდეს. რაც შეეხება არჩევნების მიმდინარეობას, 67- საოლქო საარჩევნო კომისიის თავმჯდომარე მირანდა მესხის განცხადებით, 107-ე უბანი დროულად გაიხსნა და არჩევნები მშვიდ ვითარებაში მიმდინარეობს.

როგორც მესხმა აღნიშნა, ამდრომდე არანაირი სახის დარღვევას ადგილი არ ქონია, თუმცა სამ უბანზე ენმს წარნონადგენლებმა კენჭისყრაში მონაწილეობაზე უარი თქვეს და კანონის შესაბამისად, მათი ჩანაცვლება მოხდა.