ზუგდიდის „კეთილმოწყობის მართვის ცენტრის“ დირექტორმა ნოე პერტაიამ თანამდებობა დატოვა. ამის შესახებ STV-ს ზუგდიდის მერიის საზოგადოებასთან ურთიერთობის სამსახურის ხელმძღვანელმა, მაგდალინა თოდუამ რამდენიმე წუთის წინ განუცხადა. თოდუას განცხადებით, პერტაიამ თანამდებობა საკუთარი განცხადების საფუძველზე დატოვა.

“მიზეზებზე ვერაფერს გეტყვით, თუმცა ბატონ ნოე პერტაიას განცხადება თანამდებობის დატოვების შესახებ ზუგდიდის მერიის კანცელარიაში უკვე შევიდა. სხვა დეტალებზე ვერაფერს მოგახსენებთ”-აცხადებს მაგდალინა თოდუა.

ცნობისათვის, საქართველოს სახელმწიფო უსაფრთხოების სამსახურში ზუგდიდის მერიის ა(ა)ი.პ „კეთილმოწყობის მართვის ცენტრის“ დირექტორი ნოე პერტაია 14 სექტემბერს გამოკითხეს. როგორც STV-ს უწყებაში უთხრეს,  პერტაია ერთ-ერთი საკითხის შესწავლის ფარგლებში გამოიკითხა, თუმცა, არ აკონკრეტებდნენ, რომელ საკითხზეა საუბარია.