წალენჯიხის მუნიციპალიტეტის სოფელ ფახულანში ხანძრის შედეგად ოჯახის ერთი წევრი, 90 წელს გადაცილებული მამაკაცი დაიღუპა. შემთხვევა გუშინ გამთენიისას მოხდა.

საგანგებო სიტუაციების მართვის სამსახურის სამეგრელო-ზემო სვანეთის სამმართველოს უფროსის ინფორმაციით, მეხანძრეებს სახლი უკვე დამწვარი, მამაკაცი კი გარდაცვლილი დახვდათ. ხანძრის გამომწვევი მიზეზები უცნობია. შსს ინფორმაციით მიმდინარეობს გამოძიება.