ზუგდიდში, ეკატერინეს სასახლეში დღეს დილით ჭერი ჩამოინგრა, რომლის შედეგადაც შვიდი ექსპონატი დაზიანდა.

ეკატერინეს სასახლეში საქართველოს ეროვნული მუზეუმის სპეციალისტებს ელოდებიან, რათა დაზიანებული ექსპონატები სარესტავრაციოდ წაიღონ.

როგორც მუზეუმის დირექტორმა ლილუ ბერაიამ განაცხადა, არსებობს შესაძლებლობა, რომ ყველა დაზიანებული ექსპონატი აღდგეს. მისივე თქმით, ეკატერინეს სასახლე არის ამორტიზებული და ჭერის ჩამონგრევაც ამან გამოიწვია.