ზუგდიდში ვლაქერნობის აღნიშვნა ტრადიციულად დადიანების მუზეუმიდან დაიწყო და ღვთისმშობლის სახელობის მშენებარე ტაძრამდე მსვლელობით გრძელდება. ზუგდიდისა და ცაიშის მიტროპოლიტმა მეუფე გერასიმემ და სხვა სასულიერო პირებმა კვართი და წმინდანთა ნაწილები დადიანების მუზეუმის საცავიდან გამოაბრძანეს.

ამ წუთებში  მშენებარე ტაძარში წირვაც იმართება, რის შემდეგაც მორწმუნეებს ექნებათ საშუალება კვართსა და სხვა სიწმინდეებს ემთხვიონ.

ვლაქერნობის დღესასწაულზე დასასწრებად საქართველოს სხვადასხვა რეგიონიდან ჩამოვიდნენ. მსვლელობაში ადგილობრივი ხელისუფლების წარმომადგენლებიც მონაწილეობენ.