საპარლამენტო უმრავლესობის ლიდერმა არჩილ თალაკვაძემ ზუგდიდში გამართულ ბრიფინგზე განაცხადა, რომ შიდაკვლევის შედეგებზე დაყრდნობით „ქართული ოცნების“ კანდიდატი იმარჯვებს. ამის შესახებ კი „ნაციონალურ მოძრაობაშიც“ იციან, რის გამოც არეულობისთვის ემზადებიან.

თალაკვაძის ინფორმაციით, დესტაბილიზაციისთვის „ნაციონალური მოძრაობა“ არასამთავრობო ორგანიზაციების საფარქვეშ ახლადშექმნილ ორგანიზაციებს იყენებს. ეს ორგანიზაციები კი სპეციალურად არჩევნებისთვის არის შექმნილი.

პოლიტიკოსის თქმით, ამ ოპოზიციური ძალის პირველი მიზანი არჩევნების ჩაშლაა, თუ შედეგები მათთვის მიუღებელი იქნება.