„ნაციონალური მოძრაობის“ წევრების ნაწილი შიდაპარტიული არჩევნების ჩატარებას ითხოვს. კერძოდ, პარტიის ერთ-ერთი ლიდერი ირაკლი ნადირაძე და რეგიონული ორგანიზაციების წარმომადგენლების ნაწილი მოითხოვენ, პარტიის პოლიტსაბჭო და სამდივნო ხელახლა დაკომპლექტდეს და ახალი თავმჯდომარე აირჩეს. ამის შესახებ შეკრებილებმა მიხელის სააკაშვილის საპრეზიდენტო ბიბლიოთეკაში განაცხადეს.

„ვფიქრობთ, რომ პარტიის გაძლიერებას საფუძვლად უნდა დაედოს შიდაპარტიული დემოკრატიის გაძლიერება და შიდაპარტიული არჩევნები ყველა დონეზე. ვითხოვთ, ახლიდან აირჩეს პოლიტიკური სამდივნო, პოლიტსაბჭო და რაც მთავარია, ჩატარდეს თავმჯდომარის არჩევნები. თავმჯდომარეს უნდა ჰქონდეს ასობით ათასი გულმხურვალე, მებრძოლი, მისი ერთგული ამომრჩევლის ლეგიტიმაცია, რათა ახალი ენერგიით, ახალი გეგმით, ახალი ბრძოლისუნარიანობით ვიბრძოლოთ ამ ქვეყნის თავისუფლებისთვის“,- განაცხადა ირაკლი ნადირაძემ.

ამავე თემაზე:

დაპირისპირება ენმ-ში რას პასუხობს ანა წითლიძე მელიას განდგომილებს