ზუგდიდის მერიაში რეორგანიზაცია დასრულების ეტაპზეა. როგორც STV.GE-შთვის ექსკლუზიურად ხდება ცნობილი. ახალ თანამდებობებს ახალი და მერიაში ცნობილი სახეები დაიკავებენ.

კონკრეტულად კი, ზუგდიდის მერიის ინფრასტრუქტურული პროექტების მართვის სამსახურის უფროსის თანამდებობას, ზუგდიდის მერიის ადმინისტრაციის ხელმძღვანელის მოქმედი მოადგილე იდა ქვარაია დაიკავებს. იდა ქვარაია ზუგდიდის მერიაში 2013 წლიდან მაღალ თანამდებობებს იკავებს და ის ერთ-ერთ კვალიფიციურ კადრად ითვლება. თანამდებობა, სადაც იდა ქვარაია ინიშნება ადრე რუსლან კილასონია იკავებდა. მოგვიანებით კილასონია ზუგდიდის მერის თანაშემწედ დაინიშნა.

ზუგდიდის მერიის ეკონომიკისა და ინფრასტრუქტურის სამსახურის ხელმძღვანელად ზუგდიდის მერიაში უკვე ყოფილ უფროსს, თენგიზ ქობალიას ზუგდიდის რესურსცენტრის აუდიტის ხელმძღვანელი მიხეილ ჭკადუა ჩაანაცვლებს.

ზუგდიდის მერიაში აღნიშნულ ინფორმაციას ჯერჯერობით არ ადასტურებენ, თუმცა STV.GE-სთვის ცნობილი ხდება, რომ იურიდიული გადაწყვეტილება აღნიშნულთან დაკავშირებით უკვე მიღებულია.