საქართველოს პრემიერ მინისტრი გიორგი გახარია ხვალ სამეგრელო-ზემო სვანეთის რეგიონს, კონკრეტულად კი ზუგდიდის მუნიციპალიტეტს ეწვევა.

გიორგი გახარია ხვალ გახსნის სამეგრელო ზემო-სვანეთის რეგიონის საგანგებო სიტუაციების სახანძრო სამაშველო ცენტრს, რომელიც ზუგდიდში, ცოტნე დადიანის ქუჩაზე მდებარეობს.

პრემიერ მინისტრი ზუგდიდში შეხვდება ფოკუს ჯგუფებს. დაგეგმილია შეხვედრები ექიმებთან, პედაგოგებთან და ახალგაზრდებთან. გიორგი გახარია ასევე შეხვედრას გამართავს რეგიონის ფერმერ/მეწარმეებთან.