ჩხოროწყუს მუნიციპალიტეტში საგზაო ინფრასტრუქტურის მოწყობა აქტიურად გრძელდება მიმდინარე სამუშაოებს დღეს მუნიციპალიტეტის მერი დათო გოგუა და მერის პირველი მოადგილე გოჩა ჩიქოვანი ინფრასტრუქტურის სამსახურის ხელმძღვანელებთან ერთად ადგილზე გაეცნენ.

სოფელ ჭოღაში, მდინარე ოჩხომურზე, სახელმწიფო მნიშვნელობის მარტვილი-ტალერი-ჩხოროწყუს საავტომობილო გზის 36+700 კილომეტრზე ახალი საავტომობილო ხიდის მშენებლობა დასრულებულია.

ხიდის სიგრძე 36, ხოლო სიგანე 9,5 მეტია. პროექტი საავტომობილო გზების დეპარტამენტის მიერ დაფინანსდა. საავტომობილო ხიდის მშენებლობა მიმდინარეობს ასევე მეორე ჭოღაში. პროექტი სტიქიის სალიკვიდაციო სამუშაოების ფარგლებში ხორციელდება.

ახალი საავტომობილო ხიდის მშენებლობამდე აქ მოსახლეობა ბონდის ხიდით სარგებლობდა და გადაადგილება მხოლოდ ქვეითად იყო შესაძლებელი. სტიქიის სალიკვიდაციო სამუშაოების ფარგლებში სოფელ ჭოღაში სანიაღვრე არხიც მოეწყობა.