ქალაქ ჩხოროწყუში, გარახას უბანში, მდინარე ოჩხომურზე საავტომობილო ხიდის მშენებლობა  მიმდინარეობს.

ხიდი,  ძველი ამორტიზებული ხიდის მიმდებარედ შენდება.

ხიდის სიგრძე 75, ხოლო სიგანე 10 მეტრს შეადგენს.

სამუშაოები სახელმწიფო ბიუჯეტიდან 1 680 000 ლარით ფინანსდება.

მიმდინარე სამუშაოებს მუნიციპალიტეტის მერი დათო გოგუა ადგილზე გაეცნო.

მიმდინარე წელს ახალი საავტომობილო ხიდი ასევე სოფელ ქვედა ჩხოროწყუში, ჭვილიშის უბანში აშენდება.