აქციაში აქტიური მონაწილეობა მიიღეს პოლიტიკური თანამდებობის პირებმა, მოქალაქეებმა, ახალგაზრდებმა,რომლებმაც დაგმეს რუსული აგრესია და უკრაინელ ხალხს სოლიდარობა გამოუცხადეს.

აქციაზე შეკრებილებს სიტყვით მიმართეს წალენჯიხის მუნიციპალიტეტის მერმა გიორგი ხარჩილავამ , მერის მოადგილე თამარ ბელქანიამ, ჩამოსულმა სტუმრებმა თბილისიდან საქართველოს პარლამენტის წევრმა, ბლოკი ერთიანი ნაციონალური მოძრაობა -გაერთიანებული ოპოზიცია”ძალა ერთობაშია”-ს წევრმა გიორგი ბოტკოველმა, ერთიანი ნაციონალური მოძრაობის წევრმა პეტრე ცისკარიშვილმა, მეზობელი მუნიციპალიტეტებიდან საქართველოს პარლამენტის წევრმა ბლოკი ერთიანი ნაციონალური მოძრაობა -გაერთიანებული ოპოზიცია “ძალა ერთობაშია”-ს წევრმა ანი წითლიძემ და ზუგდიდის საკრებულოს წევრმა ერთიანი ნაციონალური მოძრაობიდან მაია კალანდიამ.

აქციის მიმდინარეობისას ეკრანზე ნაჩვენები იქნა უკრაინის ქალაქ იავოროვის მერის იგორ გრაბოვსკის ვიდეო მიმართვა -წალენჯიხელებისთვის, რომელიც წალენჯიხის მერს და მოსახლეობას მადლობას უხდის თანადგომისათვის.

გიორგი ხარჩილავამ აღნიშნა რომ ორ ქალაქს შორის დამეგობრების საფუძველზე, შეიქმნას ჰუმანიტარული დახმარების ფონდი და მოუწოდა თითოეულ წალენჯიხელს, შეიტანონ წვლილი ჰუმანიტარული მისიის განხორციელებაში.

აქციიის მონაწილეებმა, სიტყვით გამომსვლელებმა მადლობა გადაუხადეს დამსწრე საზოგადოებას მხარდაჭერისთვის. ასევე იმ მებრძოლებს,ვინც უკრაინაში საქართველოს სახელით იბრძვიან. დღევანდელ აქციაზე მოწვეული იყვნენ სტუმრები უკრაინიდან, რომლებსაც საკუთარი საცხოვრებელი ფართი დაუთმო ქალაქ ჯვარში მცხოვრებმა ნინო მჭედლიშვილმა აქციაზე ისმოდა საქართველოსა და უკრაინის ჰიმნები, გამოფენილიქნა ორივე ქვეყნის სახელმწიფო დროშა.