სენაკის მუნიციპალიტეტში უკრაინელი ხალხის დასახმარებლად გახსნილ ჰუმანიტარული ტვირთის მიმღებ ცენტრში ჰუმანიტარული დახმარების შეგროვება ცენტრის ამოქმედების პირველივე დღიდან დაიწყო და დღემდე აქტიურად მიმდინარეობს.

ჰუმანიტარული ტვირთის შეგროვებისა და მობილიზების საკითხს კოორდინაციას სენაკის მუნიციპალიტეტის მერის პირველი მოადგილე, გრიგოლ ბაღათურია, ჯანმრთელობისა და სოციალური დაცვის სამსახურთან ერთად უწევს.

ჰუმანიტარულ აქციაში ადგილობრივ თვითმმართველობასთან ერთად, მუნიციპალური აიპები, შპს-ები, საჯარო სკოლები, ადგილობრივი მოსახლეობა და ბიზნესსექტორი აქტიურად არიან ჩართულები. პირველადი მოხმარების აუცილებელი ნივთებისა და მედიკამენტების შესაძენად, სენაკის მუნიციპალიტეტის მერიის სარეზერვო ფონდიდან 20 000 ლარი გამოიყო.

აქციაში ჩართვის მსურველებმა ინფორმაციისთვის უნდა დარეკონ: 599 28 72 40. არამალფუჭებადი საკვებისა და პირველადი მოხმარების ნივთების მოტანა შესაძლებელია შემდეგ მისამართზე: ქ. სენაკი, გოგოლაძის მოედანი 1 (თეატრალურ მოედანთან). ჰუმანიტარული ტვირთის ტრანსპორტირებას სამეგრელო-ზემო სვანეთის სახელმწიფო რწმუნებულის ადმინისტრაცია საქართველოს მთავრობის დახმარებით უზრუნველყოფს.