ამერიკული ჟურნალი Forbes აწარმოებს მოლაპარაკებებს ინვესტორთა ჯგუფთან კომპანიის 800 მილიონ დოლარად გაყიდვის თაობაზე. ისინი უკვე ახლოს არიან ხელშეკრულების გაფორმებასთან. ამის შესახებ New York Times კომპანიის წარმომადგენელზე დაყრდნობით წერს. Forbes-ის აღმასრულებელმა დირექტორმა მაიკ ფედერლემ დაადასტურა ინფორმაცია მოლაპარაკებების შესახებ. 

ჟურნალი Forbes-ი მსოფლიოში ერთ-ერთი ყველაზე ცნობილი და ავტორიტეტული ეკონომიკური ბეჭდვითი გამოცემაა. ჟურნალი 1917 წელს ბერტი ჩარლზ ფორბსის მიერ დაარსდა.