სენაკის მერმა, ვახტანგ გადელიამ, მუნიციპალიტეტში მცხოვრებ დაუნის სინდრომის მქონე მოზარდებს უმასძინძლა
დღეს, სენაკის მუნიციპალიტეტის მერმა, ვახტანგ გადელიამ, მუნიციპალიტეტში მცხოვრებ დაუნის სინდრომის მქონე მოზარდებს უმასძინძლა. მუნიციპალიტეტის მერმა, ,,მზის შვილებს“, ,,ავერსის“ სააფთიაქო ქსელისა და ,,ბიბლუსის“ სასაჩუქრე ვაუჩერები გადასცა.
შეზღუდული შესაძლებლობის მქონე პირთა დახმარების პროგრამის ფარგლებში, მუნიციპალიტეტში მცხოვრებ დაუნის სინდრომის მქონე მოზარდებზე ყოველკვარტალურად 100 ლარი გაიცემა. ეს მიზნობრივი ჯგუფი, საჭიროების შემთხვევაში, ასევე უზრუნველყოფილია სხვადასხვა სამედიცინო სარეაბილიტაციო მომსახურეობისა და ამბულატორიული კვლევების დაფინანსებით.
დაუნის სინდრომის საერთაშორისო დღესთან დაკავშირებით, სენაკის მუნიციპალიტეტის მერი, საკრებულოს წევრებთან – მანანა გვიჩიასთან და გიგა წურწუმიასთან ერთად, ჯანმრთელობისა და განვითარების ცენტრში იმყოფებოდა, სადაც ყველაზე თბილ და გულმზიან პატარებს სამახსოვრო საჩუქრები გადასცა. ,,მზის შვილების“ დღე, მოსწავლე-ახალგაზრდობისა და კულტურის ცენტრში გამართული სახალისო აქტივობით დასრულდა.
